HEUP!!!

Nu dihareup mere peuruep

Nincak kanu taktak

Nonjok kanu babatok

Hareupeun cenah aya pangharepan

Geuning jalir tina teuteupan

-esage-

sbg, April 2012

JOL

Anjeun teh lain raja, lain dewata

 Lain raga nu kuduna dipikaasih pikacinta

Tapi naha hate bet teu bisa ingkah tinu teuteupan panon anjeun?

Asa pageuh kacangreud ku amisna madu katresna.

Unggal poe,

Torojol anjeun ngaliwat dina implengan

Jol asup dina impian

Tapi nu geus kaalaman mah sugan moal deui kaalaman.

Unggal poe,

Nu digigir mah nyengir alabatan meunang emas sapeti

Seuri nyakakak  alabatan meunang inten sakotak

Tapi sugan lain eta nu dipiharep kuring.

Nu jauh, nu neuteup anteb dina hate

Nu jauh, nu piligenti muka lawang hate

Nu jauh, nu dipikasono unggal poe

Nu can tangtu moal bisa maneuh dina hate.

"Workshop Bahasa & Sastra Sunda"
@sally_esage

 

- ESAGE -